最近香港人除咗陷入口罩荒之外，仲要搶消毒用品、白米、廁紙等。所以，誠哥旗下的百佳超市或屈臣氏一有貨返，大家就會瘋搶。近日最經典嘅一幕相信一定係屈臣氏推出實名口罩登記，網站系統最高峰有近 150 萬市民排隊，相比起 HKTV mall 10 多萬人系統已經被衝爆無回應來講，真係贏到開巷。為答謝大家支持，屈臣氏就推出咗一套以「袋仔」角色設計嘅 WhatsApp Sticker。
呢套 Sticker 叫「屈仔表情包 – “扮工”抗疫篇」，現時已經喺 WhatSticker 網站上推出。整套 Sticker 一共有 26 款，比起坊間幾套由 Fans 所製作嘅都要多，而且畫功都精緻得多，絕對值得大家支持。
想要 1盒Thx、提朋友記得帶罩就快啲去 Download 啦：Click 呢度
