Google Assistant (Google 助理) 相信各位 Android 手機用戶都有聽過，因為早於 2016 年已經在美國推出，目標對手當然是 Apple 的 Siri 語音系統。不過，推出初只限於英文用戶，對亞洲區使用者不太個人化。繼上年推出國語版之後，今年廣東話版終於正式宣佈推出。
Google 語音助理透過一聲「Ok Google」就可以在呼喚並為你進行語音操作，功能方面主要有九大項目，包括以下：
1. 發出查詢指令，例如問：「聽日會唔會落雨」、隨近茶餐廳，甚至要求「自拍一張」
2. 設定個人化「日常事務」
3. 透過 Google 引擎尋找答案，例如問：「依家倫敦幾多點」、「恆生指數」
4. 透過 Google Maps 地圖作為導航助理，計劃路線
5. 支援時下流行的智能Speaker，隨時要求播放音樂
6. 可以說出致電某人或發送短訊指令，例如「打畀老婆」
7. 調整手機設定，例如「打開 Wi-Fi」、「打開藍牙」、「打開飛行模式」
8. 計劃旅行，包括查詢目的地天氣、外語翻譯
9. 幫你輕鬆一下，例如：「講個笑話」、「唱首歌嚟聽吓」、「讚吓我」
Google Assistant 除咗支援 Android (5.0 或以上) 外亦都有推出 iOS 及 iPad OS 版本，透過 Play Store 或 App Store 就可以下載，此服務將於今晚 12 點正式開通，未玩過嘅大家去 Download 來體驗下，試一試佢廣東話認識能力。
