每年 9 月對果粉來講都必定係大日子，因為新一代 iPhone 又出啦！往年出新 iPhone 大家都會好期待各間電訊商出 Plan，今年竟然 iPhone 都未發佈就有電訊商出新 Plan，雖然無講到明出乜機，只係好隱晦話係「機王」，但呢個時間出已經再明顯不過啦！
3HK 今日宣佈推出一系列的月費計劃，包括不同面值手機現金券，其中$538 月費計劃包括 $8,000 的手機現金券，每月 15GB 的 4.5G 全速本地數據，可以每月另加$50 升級至本地數據任用，同時設每月 3GB 的中‧港澳通用數據及5,500 本地通話分鐘。
另一全新推出的 4.5G SIM 組合月費計劃，成功攜號轉台的話月費 $428，此計劃須同日選購指定 4.5G $318 SIM 及$148「優先寶」服務，及簽訂 24 個月合約和須繳付每月$18 行政費。計劃包括了本地全速任用數據、每月 1GB 中‧港澳通用數據，並即時晉身為 3Supreme 尊貴客戶。
今次出 Plan 送嘅手機現金劵，可以到全線 3HK 門市，以建議零售價購買指定手機、平板電腦及智能手錶。換句話講，到時新手機一出基本上已經可以話係「穩搶」一部。
要留意嘅係，要搶購到新機須選購指定 $538 月費計劃，簽 30 個月合約及預繳指定金額，以及繳付首月月費和另須繳付每月$18 行政費。關於新 Plan 詳情大家可以到 3HK 官網睇睇。
