SmarTone 抵玩 4.5G 全速新 Plan，$168 有無限本地+共享數據

成日都話，做學生真幸福，因為好多優惠著數都只限學生享用。繼自由鳥 Birdie Mobile 推出 $90 6GB 無合約學生 Plan 後，其姊妹公司 SmarTone 亦公佈咗「4.5G 大專生全速計劃」，一樣抵玩吸引。

SmarTone 剛剛宣佈推出全新「4.5G大專生全速計劃」優惠，呢個計劃限大專生申請。月費分別有 $128 及 $158，同樣包 8GB 本地 4.5G 全速數據+128kbps 限速無限數據、無限本地通話分鐘以及帶號碼轉台免收 $18/月 行政費，兩個 Plan 差別在於前者要簽 24 個月，後者簽 12 個月就得。另外值得一提，首 8GB 屬中港澳三地共享數據，返大陸或者去澳門都唔駛換卡，數據共用。

今次呢個計劃亦都講求靈活性高，例如 8GB 全速數據唔夠用的話，可以加 $70/月 即可自選全速復活無限本地數據。如果你係恒生信用卡或 Green Banking 用戶仲著數，因為加 $40/月 就得。換言之，最低 $128+$40 ＝ $168 就可以有無限本地 4.5G 全速數據。

此外，SmarTone 推出「4.5G 大專生基本計劃」優惠，月費 $88 即可享無限本地數據 (速度全程 2Mbps) ，恒生信用卡或Green Banking 用戶只需$68/月！

詳情如下表：