ulefone Armor 6e 這部低價三防手機終來到香港，與大家做一個分享。規格它是用 Helio P70 SoC，4GB RAM, 64GB 儲存空間、6.2吋 FHD 2K 屏幕、1,600 萬及 200 萬像素鏡頭、後置指紋及前置鏡頭人面解鎖，支援無線充電、5000mAh 電池、NFC，加上賣點嘅 IP68 防水能力及極新的 Android 9.0，真係無得輸！
今次我地開箱呢部係來自 anlander.com 嘅雙 4G 三防 ulefone ARMOR 6e 黑紅色版本，較純黑色更有味道。
ARMOR 6e 包裝已經明言是主力戶外功能，以行山為主軸，而右下角註明了其 IP68 能力。需要留意佢最右上角有一個 E 字，代表 6e 款式，因為同期還有一部 6S，行低一點的 P60 Soc 及 Androd 8.0，不要睇錯。
ulefone 嘅機唔駛擔心咩都無，你睇上圖一樣有繁體中文，而下圖也都可以見到一樣有 Google Play Store，唔駛擔心會被 Google 斷供，而開機同時有 Chrome，Google Assistant，Duo 等等功能。香港賣嘅行貨也都有一年保養。
6e 系統方面行嘅係 Android 9.0 Pie，也都有 雙 SIM 卡功能，去旅行真係好啱用。
轉去背可以見到好硬淨嘅硬膠設計，雙鏡頭 1,600 萬及 200 萬下係雙補光燈及支援最快 0.1秒指紋解鎖，紅色好識認，而鏡頭隔離嘅係後置收音咪及感應器。
機身四角可以見到同好多防撞框嘅設計相似，行四角稍稍突出嘅設計，保障番最易爛嘅屏幕四角，而你雖然見到牌子 ulefone 隔離有個位，但佢唔係開得的，所以唔駛擔心。
機嘅兩側分別係（上圖）開關制、音量鍵，紅色嘅位置就唔係硬膠，係金屬，摸落去嘅感覺舒好唔少，而另一邊黑色嘅位就係 SIM 卡及 microSD 卡槽。
TF/SIM CARD 位比較深入，揭開蓋外也都要用少少內按一按個托先可以彈出來。
機底好自然就係充電傳輸線嘅位，一樣有蓋連住。
作為三防機拿上手當然有啲厚，但手感其實幾好，特別係本身有埋 5000mAh 電池及 NFC 功能，支援埋 Google Pay，仲支援埋無線充電 Qi 10W，可以講係依家最全面，價錢又吸引嘅一部三防機，兩千唔駛，賣 HK$1,880 真係夠哂吸引力。
我地都簡單試左一下影相，係舊茶餐廳二樓影相，黃白燈相間，暗暗地唔見有偏色情況，也都算清晰，無咩雜訊，二千唔駛機來講算係咁。至於虛化效果就還可以，下面的檸茶虛化可見主要係橫色虛化，調較好都有啲唔係太自然，與 Apps 調較相，但都可以接受。
查詢：THE ONE MART
