全港首間大型電競餐廳「大快活電競」開幕啦！

近年電競市場發展得好快，相關設施都越來越多。以前打機大家會諗起「網吧」，而家因電競興起，「網吧」已經升級做「電競吧」。可能對好多人來講，一班朋友一齊打機就必定要有得食，就係呢個原因所以大快活都想玩埋一份，今次聯手九龍電競館喺九展開咗全港首間大型電競餐廳「大快活電競」。

「大快活電競」簡單講就係一間有大快活野食嘅「電競吧」，坐落喺九龍灣國際展貿中心 E-Max。佔地萬三呎嘅「大快活電競」設有六大區域，不但提供 164 個用餐座位及 47 個電腦位，更備有可容納電競表演的主舞台、專業高級設備的電競區及富具特色的多用途房間等。

電競區設有 25 台專業電競對戰電腦配套，所有電腦均配置獨立顯示卡及電競級螢幕。而直播區則配備專業自助直播設備，等一眾直播主可以獨立或相約進行直播，亦適合不方便在家中拍攝或缺乏設備的人使用；另外設備齊全的多用途房間更可容納超過 50 人的活動，為九龍區提供多一個舉辦各類活動的場地好選擇。

▲ 用手機 App 再掃瞄 QR Code 就可以輕鬆點餐

▲ 電競區

▲ 直播區

「大快活電競」
開幕日期：大快活餐飲服務 – 7月10日(星期三)早上7時30分開始供應
「大快活電競」電競區 – 7月12日(星期五)中午12時開始正式營業
* 大快活電競於7月11日(星期四)下午2時後暫不營業
地址：九龍灣國際展貿中心地庫１樓
營業時間：
電競區 – 中午12時至午夜12時、
用餐區 – 上午7時半至午夜12時、競吧 – 下午5時至午夜12時