對於家中有大有細有老有嫩嘅用戶來講，申請一個「全家 Plan」可能更加抵玩，因為一張單就可以有多張 SIM 卡，而且數據共用等你可以更彈性地控制數據用量。今日 SmarTone 就宣佈為「全家享計劃」，加入新嘅「智 SmarT 親子之選」。
「全家享計劃」吸引之處係，新上台於合約期內享雙倍數據。而且，上台可免費使用 12 個月新加入嘅「智 SmarT 親子上網組合」。以 5 張 SIM 個 Plan 來計，月費 $798 再加 $18 行政費，平均來講 $163.2 一張 SIM 但就可以共用到 40GB 本地收據，以及主 SIM 卡有額外 1.5GB 大灣區數據。
咁「智 SmarT 親子上網組合」又係乜？其實係一個提供 Norton「諾頓家長防護網」同埋 SmarTone「來電管家」嘅服務組合。前者可以幫手機做安全防衛，而後者就係大家熟悉嘅來電過濾系統。
各個 Plan 詳細如下圖：
