而家正值旅遊旺季，大家出門之前相信都會買定張外遊數據卡或者租 Wifi 蛋。好多人買卡都會落深水埗鴨記或者去到機場先買。而 3 香港今日就宣佈推出 3Live Box 流動零售平台俾大家多個選擇，除咗有外遊數據卡外仲有其他「應急」物品，等你萬一行李執漏都可以買返需要嘅野。
3Live Box 係一部結合物聯網、大數據及人工智能嘅自動售賣機，分別有標準版、迷你版及輕便版三個款式。3 香港表示由去年開始已經喺全港唔同地區設置 3Live Box，預期今年第一季會達至 100 個。
3Live Box 自動售賣機所出售嘅物品多元化，除咗有外遊數據卡之外仲有遊戲點數卡、數據線、Mouse 之類，甚至仲有演唱會門票、主題樂園門票、酒店及餐飲禮劵等，不過講到吸引就一定係外遊數據卡。
今次由 3Live Box 自動售賣機出售嘅外遊數據卡，其中 30 日中港澳、5 日台灣、10 日星馬、8 日韓國等都減到只需 HK$38。
▲ 3Live Box 自動售賣機支援八達通或者支付寶，購買過程都尚算方便。
