今日 iPhone Xs 及 iPhone Xs Max 正式發售,大家最關心嘅當然離唔開「有冇得炒」?今朝我地已經前往 ifc Apple Store 現場直擊過,見到個場同個勢就知道炒唔起。跟住當然要再殺落先達望一望,收機價又會係點呢?即刻同大家睇睇。

來到先達,時間約上晝 10:30 分,其實都唔敢太早到場,因為知道實有好多未開舖,所以太早去冇乜謂。不過,上到先達二樓行左一陣,接近 11 點個場依然好少人,好多舖頭甚至唔開,就連「先達發言人」Lo 哥都未返工 (可能都知道今年冇得炒索性唔咁早返去俾人輪住來做訪問)。

相關新聞:慘情! Apple Store 門口極冷清, iPhone Xs /Max 冇得炒!

現場所見有部份舖頭只係貼出高價收機,但係要親口問先會報價,而亦都有部份直接 Show 收機價個表出來。來睇睇有價錢嘅回收價,可以見到同今早我地嘅 Apple Store 問收機人嘅情況差唔多,當中只有 iPhone Xs Max 512GB 先有「水位」,其他大部份型號都要倒蝕,更多嘅係直接唔收。

睇返先達場內其中兩間舖頭嘅回收價,大致都差唔多,總結如下表:

▲ 大家可以見到,幾乎大部份都要蝕錢 (多一蚊都當蝕吧,車錢都係錢)。加上,都係參考價,因為當我地再問一問,除左 iPhone Xs Max 之外,好多基本上都唔收,就算你見到上表有價錢都好,佢地都話唔收。

_______

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls