繼昨晚 csl. 及 1010 率先公佈 iPhone Xs 及 iPhone Xs Max 上台月費後，今日另一間本地電訊商 SmarTone 亦公佈了相關上台月費計劃。
今年所設計嘅月費計劃，似乎大家都有幾個相同元素，分別係「基本數據 再加 額外數據」、「大陸／大灣區共享數據」、「加錢升級無限數據」以及「手機保險」等等。
睇返 SmarTone 月費計算，同 csl. 一樣分為 4 個月費 Plan，分別為 HK$298、$408、$538、$748，而且大細機都有提供零機價。照表面睇其中 $538 及 $748 都比起 csl. 多了 $10，不過機價及預繳方面都略有不同，計落其實相差無幾。
而大家最關心嘅數據方面，SmarTone 的四個 Plan 當中同樣有 5GB、8GB、12GB、20GB 本地數據，其中 $538 及 $748 月費可以加 HK$58/月升級至無限數據。以及 $408 以上月費會包 1GB 至 4GB 嘅大灣區數據，可以喺大灣區城市包括澳門等使用。另外，如果唔選擇升級的話，所有 Plan 都可以按需要 Top-up 加購數據，本地數據為每 GB 加 $50、大灣區數據為每 1.5GB 加收 $100，而且 Top-up 用不完的數據均可以自動滾存至下個賬單截數日前繼續使用。
相關文章：csl 及 1010 搶先推出 iPhone Xs / Max 上台 Plan，The Club 會員著數多！
所有月費均需簽約 24 個月，而且每個月要畀多 $36 增值服務 以及 $18 隧道費。
