由匯豐銀行推出嘅 PayMe，初推出時雖然不太順利，不過隨進近一年來嘅改進，總算發展得順順利利，現時已經成為香港市場上最受歡迎的手機支付系統之一。今日，匯豐再宣佈為 PayMe 加入了一項全新功能「PayCode」，以後加人或者過數就更加方便。
有用過 PayMe 嘅朋友相信應該知道，以往要過數或請求付款，都需要經過手機號碼以 WhatsApp 或 SMS 發出確認連結。過程雖然好安全，只是步驟有點繁複。
今日 PayMe 向用戶發出通知電郵，表示程式推出了更新，並向大家介紹新增了「PayCode」新功能。「PayCode」其實就是 QR Code 二維碼系統，跟現時市面上一類手機支付程式的用法類似。透過新版 PayMe 程式 (V1.5.3)，使用者就可以獲得一個專屬的 QR Code 圖案，以後你就可以用 Code 來請款，相反亦可以透過掃瞄器功能來掃瞄其他人的 Code，進行加朋友或付款。
