所謂瘦田無人耕,耕開就個個爭。講緊嘅正正就係香港手機電子支付市場,幾乎每隔數日就有新聞出。琴日來自匯豐嘅 PayMe 宣佈同 HKTV Mall 合作,首次打入網購平台。而今日,另一本地薑兼霸主嘅八達通再發功,今次就係宣佈同 PayPal 合作。

八達通今日聯同 PayPal 舉行發佈會宣佈合作事宜,主要是在八達通手機程式內的「O! ePay」加入增值至 PayPal 帳戶的選項,等你可以將錢由八達通增值至 PayPal 然後再透過 PayPal 作出網購等。咁做目的,相信就係要借助目前在網購上佔有率極高嘅 PayPal 之力,將「O! ePay」服務作進一步推廣。

教你六步完成增值至 PayPal:

注:如看不到以下選項,請更新 八達通 App 至最新版本

第1步:於八達通App主頁選取「增值及轉賬」
第2步:選擇「由O! ePay轉至PayPal」
第3步:選擇「由O! ePay轉出」
第4步:輸入金額及收款人姓名,然後按「轉賬」
第5步:首次連結須登入 PayPal 帳戶
第6步:同意條款後即可完成增值

由即日起至 2018 年 7 月 31 日,O! ePay Plus 及 Pro 客戶透過 O! ePay 單次增值滿 HK$200 或以上至 PayPal 帳戶,可享 HK$50 回贈!回贈會以先到先得形式給予首 5,000 名合資格客戶。每名合資格客戶可享優惠一次。HK$50 回贈將於 2018 年 8 月 16 日至 9 月 15 日期間轉賬至合資格之八達通 O! ePay 賬戶。

_______

更多平台立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls