香港電訊市場最近因業界同政府就 5G 發牌及佈處問題隔空開火十分熱鬧,不過講到「鬥得激烈」都唔及各公司的「減價戰」。自今年年頭以來,繼 4G 全速無限數據減價,以至早兩個月一輪漫遊數據減價後,現在連 4G 21Mbps 中高速無限計劃亦展開「激鬥」。

上星期 csl. 於 Facebook 宣佈推行一個 4G 全速無限數據減價計劃,仲送埋 64 場世界盃,減價後月費僅 180 蚊左右,睇落的確極度吸引。

今日 3HK 都按奈不住出招搶客,同樣地以世界盃主題開出限時優惠新 Plan,今次呢個新 Plan 可以話平絕全港同類計劃。現只要帶號碼去 3shop 上台,就即可以每月 $138 的月費,選用本地任用 4G 數據 SIM 月費計劃,速度為 21Mbps。個價就來貼近以往果類首 5GB 21Mbps 無限速,其後限速至 128Kbps 嘅平價 Plan,睇來其他幾間都一樣會跟上,受益嘅當然係我地啦。

$138 月費點來?原來詳情係咁:選用 4G 21M $78 SIM 月費計劃及每月優惠價 $68「超級數據王」組合,並簽訂 24 個月合約,可於合約期內享每月額外$8月費回贈及豁免每月 $18 行政費。要留意嘅係,優惠期只至到 2018 年 7 月 31 日。

另外,如果你經常中港澳三地走嘅話,可以考慮加多 $50,升級每月 3GB 中港澳數據及首 12 個月中港澳任用 WhatsApp 及 WeChat 數據。

立即 Follow:Qooah IG (@qooah)Qooah YouTube,八掛產品發佈會現場,睇盡靚靚 Show Girls