WhatsApp 終認得「7」字頭香港電話號碼！

今年 2 月頭果陣通訊局宣佈新增 4、7、8 三個數字開頭嘅電話號碼，以應付市場需求。不過由於太新的關係，導致部分大家常用嘅程式無法辨認，其中影響最大嘅可能就係 WhatsApp。

上個月 自由鳥Mobile 宣佈推出「7」字頭手機號碼，當時如果大家申請後再登記 WhatsApp 使用的話，相信都會被系統認定為不正確號碼或不被支援的號碼。經過近一個月後，近日 WhatsApp 資料庫終於獲得更新，現在使用「7」字頭手機號碼來登記亦都可以正常收到認證短訊開通服務。