HKT 推 $88「旅遊Club SIM」，用足 144 小時 (6日) 無限數據！

香港電訊 HKT 今日宣佈，推出一張售 $88 的「旅遊Club SIM」。今次呢張 SIM 最大賣點係「真 24小時」4G 數據任用，同以往大家所認知嘅「過左半夜 12 點就當一日」概念完全唔同。

「旅遊Club SIM」售價為 HK$88，開卡極容易，就係去到目的地後，落地插卡起計 24 小時任用 4G 漫遊流動數據服務，可按自己需要而無需連續天數使用。

呢張 SIM 適用於中國內地、澳洲、柬埔寨、印度、印尼、日本、馬來西亞、紐西蘭、菲律賓、新加坡、南韓、台灣、泰國等地區。HK$88 包 4 日共 96 小時任用，如果係新登記 Club SIM 用戶的話，仲會多 2 日共 6 日 144 小時。用完4-6日服務後，如果都係唔夠就可以透過手機 Club SIM App 來加購額外漫遊流動數據用量，每日日費港幣 15 蚊。

不過留意返， 每日數據漫遊用量到達 500MB 後，有關速度上限會下降至 256kbps，比起坊間普遍限制至 128kbps 算係「快咗一倍」，雖然都係慢，但都好過地獄速度。另外，當您到達指定漫遊地區時落地插卡起計 24 小時通行證將會自動啟動，自啟動起有效 24小 時。收費以每一日、每個漫遊地區計算。於此，「一日」是指啟動 24 小時通行證後的 24 小時。如於同一日到訪 2 個指定漫遊地區，將會扣除 2 日之收費。

「旅遊Club SIM」可於指定便利店包括7-Eleven、OK便利店、VanGO便利店、以及 csl 各專門店購買。