平時筆者好少搭的士，你地都知道香港搭的士一來貴，二來冇服務可言。平時都是 Uber 代步多，不過如果有得平，搭下的士都冇問題。最近 DiDi(滴滴) 就搞活動，請大家免費搭的士三日，而且每日可以搭兩次，每次上限 HK$100。咦？似乎又真係好抵喎，咁點先有得拎活動優惠先？下面同大家詳細講講。
首先你要下載「滴滴出行」App，然後登入資料同綁定信用卡畀錢，任何一張國際信用卡都可以： AE、Mastercard 或 VISA 信用卡。設定成信用卡付款。
然後喺 4月20日、4月27日 及 5月4日 即未來連續三個星期五，通過「滴滴出行」Call 的士，每程享有 HK$100 的士車費優惠(即車費HK$100內乘客無需付費，超過HK$100之後的款項乘客需要信用卡支付)，而且一日可以用兩程。三日加埋成 HK$600，抵過排老麥平幾蚊。
優惠仲未完，仲有一個「請朋友搭DiDi」優惠，你如果推薦朋友註冊成新用戶，而呢位新用戶又用滴滴 Call 的士，咁新舊用戶即可共同時獲得 HK$100 的優惠，最重要推薦次數不限，可以瘋狂刷。
