隨住手機及各類上網裝置越來越多，大家手上可能都隨時幾張 SIM 卡，雖然部份號碼唔用會被釋放出來，但市場需求亦都供不應求。好似 9 字、6 字頭等號碼早已唔夠用，5 字頭又成日被人當係廣告電話。而最近周圍都見到嘅 自由鳥 Mobile 就剛宣佈率先推出 7 字頭號碼，唔知大家會唔會打算搶返個靚冧呢？
如果大家有留意時事新聞的話，相信都有印象今年 2 月頭果陣通訊局宣佈新增 4、7、8 三個數字開頭嘅電話號碼，以應付市場需求，並預計合共可以新增 1,060 萬個組合，足以滿足未來 11 年嘅需求。
本港幾間主要電訊商早前都表示有競投新號碼，據知其中「7」字頭部份組合由 SmarTone 獲得。近日周圍都見到，並且是採用 SmarTone 技術嘅自由鳥 Mobile 就宣佈率先推出「7」字頭電話號碼。由於自由鳥賣點係無須合約、無須收取行政費等，所以大家即日起只要透過佢個 App 用 ＄90 蚊申請 5GB 數據及 3,000 分鐘通話時間就可以有機會獲派「7」字頭電話號碼。 提提大家，由於新號碼是隨機派送，所以大家可以試下重新整理直到有靚 Number 出現為止，話唔定隨時中 Jetpot 「 777 」。
另外，自由鳥公司表示喺 4 月 25 號已包場請大家睇 «復仇者聯盟3︰無限之戰» ，只要喺 4月15 號前成功推薦過一位朋友上台成為自由鳥， 除左可以攞到高達 HK$200 嘅現金奬賞外，仲可以喺 4 月 16 號於 Birdie Mobile App 參加「搶飛活動」，贏取«復仇者聯盟3︰無限之戰» 戲飛兩張連爆谷汽水，仲送埋3D眼鏡。名額 70 個，記得順手搶埋啦！
