McDonald’s 手機 App 你可能話乜唔係出左好耐啦嗎？的確係！不過，琴日佢地宣佈推出個全面革新版，加入唔少新功能。其中最大改變係，而家新 App 除左可以睇餐牌外仲可以直接落單，就好似自己落去用自動售賣機一樣，唔同嘅係，你可以安坐家中或者 Office，自己點完再落去攞。
麥記今次出新 App 主要賣點功能有四個，分別係：手機點餐、我的最愛、營養資料、麥麥送訂餐。其中「手機點餐」就如上文所講，可以自己落去附近 McDonald’s 之前用 App 落左 Order 先，免去排隊 (不過落到去等攞野食就一樣要排隊，除非人少啦)。揀完野食落完 Order 就可以直接透過加入信用卡俾錢，又或者落到去掃瞄一下 QR Code 確認定單後付現金。
另外「我的最愛」，睇個名就知可以幫你 Save 低一啲常用資料，等你下次買返相同野就可以由最愛裡邊揀返。而「營養資料」都係一樣俾大家 Check 返食物營養資訊。至於「麥麥送訂餐」就唔使解釋啦，外賣功能也！
迎新優惠：
配合今次個新 App，由 2018 年 4 月 4 日至 18 日期間，下載麥當勞App並成功註冊的新用戶，均可獲$5折扣優惠劵，於麥當勞惠顧任何食品滿 $25 即可使用，大家記得唔好錯過啦。
麥當勞 App 下載：
