香港的電子支付市場近年競爭異常激烈，多間大陸品牌紛紛插旗狂搶市場。而一直占香港最大電子支付市場份額的八達通公司，由於過去太過安於現況被飽受批評大落後。卒之，今年眼見四面受敵，終於多番更新旗下服務。
八達通今日向傳媒發出邀請，表示即將於本週四 (11月30日) 舉行發佈會。屆時將會宣佈 八達通 App 「O! ePay」將加入 QR Code 付款服務。
相信大家都知道，利用 QR Code 來作電子支付媒介現時在中國大陸極之盛行，包括微信、支付寶等近年亦逐步擴展至香港市場。八達通公司早前推出的「O! ePay」手機程式雖然都已經加入了 QR Code 付款功能，但採用的商戶極度少，跟微信或支付寶跟本沒得比。
雖然暫時未知八達通今次所推出的「QR Code 付款服務」是否跟微信 或 支付寶等一樣玩法，甚至是可以代替實體八達通用來搭車等。但可以睇得出，八達通今次終於「瞓醒」。
如果真係 QR Code 搭地鐵，到時會唔會由「啊姐狂捽手袋」變成「齊齊捽手機」？咁好似仲慢喎。至於詳情，我地星期四將會出席發佈會，到時再同大家揭曉啦！
