iPhone X 今日首日出貨，由今朝到而家呢一刻，回收價就好似海鮮咁，上上落落波動好大。今朝我地同大家報導過，第一口喺又一城 Apple Store 報出的回收價錢無論 64GB 抑或 256GB 都只係加 $1,000 蚊左右。而呢刻好多打工仔收工後都湧至先達放機，到底今日「收市價」有幾多，一齊睇睇。
根據我地現場查價所見，64GB 或 256GB 版 iPhone X 回收價跟下午時相差不多，64GB 大多數店舖開出的回收價都唔過 $9,000，而 256GB 黑色平均為 $10,850 左右(白色略低 1 至 2 百蚊)。即係話，256GB 黑色 到「收市」呢一刻都仲有約 $962 賺，而 64GB 就僅有約 $362。
▲ 以上為參考價，大家放機時可再問問現場最新回收價
另外再提提大家，聽日 11 月 4 號早上 8:00am，Apple Online Store 即會再次開放「iReserve」(直接連結請睇呢篇文)，雖然只有幾百蚊水位，大家都仲可以考慮下。
