iPhone X 今日正式開售，大家今早睇完我地報導出來的第一口價，相信各有滋味。導致香港 iPhone X 回收價唔理想的主要原因，相信同大陸貨量直接掛勾。你以為炒賣情況已經夠差嗎？原來可以更差，事關大陸 Apple Store 不但長開，仲要提前出貨時間。
上星期五 Apple 開始接受預訂 iPhone X 後，香港第一批貨已經被掃清，之但係大陸 Apple Online Store 卻是長開長有，只是出貨時間延長至 5 至 6 星期。直到今日正式開售，不但止仍然任買之餘，出貨時間不推遲反而縮短至 3 至 4 星期。
大家都知，香港炒機會直接受到大陸貨量影響。有見及此，好多網友已經急急「Cut 單保平案」，就 Winson 自己身邊已經有四至五個朋友在 Facebook 上貼圖證實機已 Cut，睇來今次 iPhone X 炒賣活動將會好快完結。
總之，炒賣涉及風險，大家自行評估啦！
