大家現時手機不離手，對 Wifi 要求就更加有特無減。喺香港雖然大家屋企都唔會大得去邊，不過房間間隔總有，往往令到 Wifi 接收唔到。Google 去年發佈了 Google Wifi，一個運行 AC1200 Dual-Band 的 Mesh Wifi 無線路由器，而家行貨正式到達香港，並由 HKT (即 PCCW) 獨家推出。
Google Wifi 是一個採用 TX 波速傳輸技術的無線路由器，可以將信號直接聚焦到無線裝置上，兼容 802.11 a/b/g/n 等網路。其最大作用就是要解決屋企多間隔無法接收 Wifi 訊號問題，因為可以用 Mesh 模式連接多部 Google Wifi 裝置，達成零死角效果。
Google Wifi 喺香港市面上已經有水貨賣，例如 HKTV Mall 就賣緊 HK$1,489。至於行貨則由 HKT 半年獨家推出，今日佢地正式宣佈推出相關服務。
HKT 的 Smart Living 服務推出了配備 Google Wifi 的「覆蓋王」計劃。只要申請 2×2 1000Mbps 服務(月費由 HK$258起) 簽 30 個月，就可以免費「借用」一套兩件的 Google Wifi 裝置 30 個月。
所以簡單來講，而家想用行貨 Google Wifi 就要申請 HKT 寬頻服務，因為喺佢地獨家推出期間內就唔可以用於其他寬頻供應商了。
