型格新品牌 Avita 香港推出 Liber 系列手提電腦，港幣 $825 就買到？

就快開學，講起買手提電腦大家可能來來去去都會揀嗰幾個牌子。如果係 MacBook 以外的話，唔係日系就係韓系，再唔係就台系。今日之後大家就會多個選擇，就係初創公司 Nexstgo 打造的 Avita。此品牌初始於美國，昨日剛在香港發佈了 Liber 系列手提電腦，想用型格的七彩機身來俘虜大家。

AVITA LIBER系列手提電腦主要是針對輕巧纖薄型和個性化設計，金屬機身最薄只有5毫米，重量輕至1.37KG，而電池續航力長達 10 小時。此外，機身配備一組支援快速充電、資料傳輸及顯示等多用途的 USB-C 連接埠，以及兩組 USB-3.0 連接埠等，緊貼現時市場上的規格主流。

今次 AVITA LIBER 系列手提電腦最吸引之處，一定就係機身顏色。佢地推出左兩個分線系列，如果想平的話，可以揀採用 Intel Celeron 至 Intel Pentium 處理器，機身只有曙光銀及太空灰版本，因為只售 HK$3,590 起。

覺得悶，咁可以揀佢地 Glamour 分線系列，因為採用 Intel Core M3 至 Intel Core i7 處理器，而且機身首階段推出 5 種顏色，包括首階段推出 5 種顏色，包括：香檳金、型酷黑、珍珠白、公主粉及 hmv 限定都市紅。至於其他顏色，日後亦將會陸續推出。但售價方面就貴些少，由 HK$5,990 起。

其他規格方面，無論是 AVITA LIBER 或 AVITA LIBER Glamour 都採用 13.3 吋 或 14 吋 FHD 1,920 x 1,080 IPS 屏幕，內置 4GB / 8GB DDR3 1600Mhz 記憶體、128GB／256GB／512GB SSD 儲存等可供選擇。

▲ 機身顏色夠鮮豔，標準鍵盤加上特大的觸控板，運行 Windows 10 作業系統的手提電腦來講都比較少見用到同 MacBook 差不多大小的 Touch Pad。

除左兩款 AVITA LIBER 型號之外，佢地今次亦都發佈埋以 Nexstgo 為品牌的 SU01 及 SU02。由外型設計可以見得到，目標群就係一類成熟人士，職場商務用戶。規格方面，處理器由 Intel Celeron 至 Core i5，備有 14 吋 (1,366 x 768) 及 15.5 吋 (1,920 x 1,080)屏幕，售價方面待定。

咁標題所講 HK$825 就買到又點解？原來佢地今次為左推廣品牌，趁即將舉行嘅電腦展搞左個優惠。8 月 25 日開幕當日，首 10 位顧客就可以用港幣 $825 購買 AVITA LIBER 指定型號，有興趣就記得去碰下運氣啦。