暑假一到又係去旅遊旺季，相信大家都已經準備好隨時出發。對於而家呢一代嘅人來講，出發之前買張數據漫遊卡可能同攞 Passport 一樣咁重要。近期多間香港電訊商都針對暑假檔期推出相關數據漫遊服務，今日 3HK 亦都宣佈推出「自遊數據王」，一個收費打通美加、歐洲、亞太區及大中華等地，來睇睇有冇你即將要去嘅地方。
3HK 今日宣布，由明日(7月21日)起推出一項叫「自遊數據王」服務，呢個漫遊數據主要賣點係可以用一個收費喺多個區域 14 日內自由使用，唔駛限死一個地方。例如大中華區就包含有中國內地、台灣及澳門。
收費方面分兩種，低用量就係 $78 蚊 200MB，而高用量就 $198 1GB (9月30日前優惠期間購買再加送 1GB)。200MB 來講雖然係少左啲，但如果淨係用來 WhatsApp 通訊都還可以，而且返大陸都無須翻牆。除左大中華區仲有美國、加拿大，歐洲(6國)、亞太區(10國)。(詳細如上圖)
▲ 3HK 數據漫遊服務支援網絡共享功能，即是話可以一家人或一班朋友一齊 Share 上網
▲ 除外亦都有其他附加服務，有需要都可以考慮下
▲ 如果去得遠又覺得上邊所講嘅 Plan 唔夠用的話，你亦可以選擇 Day Pass，分別有 5 日同 10 日可以揀。除左歐洲，仲有澳門 $108/3日。
