近年香港的手機支付服務競爭越來越激烈,不論是外國或大陸都有唔少品牌爭先喺香港插旗。而作為本地占有率最高嘅八達通,一路以來俾人感覺都係十分之「唔願郁」。不過,眼見個個都爭住食呢塊餅,而家都終算感受到威脅而肯「郁多少少」。

八達通之前其實都叫做「郁左一小步」,就係推出左一個叫「好易畀 O! ePay」嘅新 App。之但係,由於登記過程複雜,而且仲需要上傳身份證及地址證明等個人資料而嚇怕用戶。最終,令到呢個 App 普及率並不高。

而今日,八達通宣佈升級旗下嘅「八達達 App」,主要就係將 O! ePay 功能整合埋入去,令到呢個主 App 可以有 O! ePay 嘅 P2P (Person to Person) 個人對個人轉帳服務。

加上,今次升級後申請免費帳戶嘅程序都簡單左好多。如果係申請最簡單嘅 Lite 帳號,大家只需輸入手機號碼以及電郵地址即可以。不過 Lite 用戶就比較多限制,例如每日轉賬額最多只係 3,000 蚊。如果想要多啲,咁就要升級上 Plus 或係 Pro。升級版帳號就需要多啲個人資料,包括上傳身份證明文件等。而好處係可以提升最高儲值限額至 10,000,以及可以轉賬至銀行等。

透過原有嘅 O! ePay 功能,新八通 App 就可以用 P2P 方式畀返錢朋友,或者 send 個請求出去問返朋友收錢。收錢果陣,你仲可以用 App 先設定係平均分賬、逐個朋友收唔同錢等,以後一齊食飯唱K之後要夾單就方便得多。

至於點入錢落去個 O! ePay 戶口度,等你可以過數畀俾友或者網上買野呢?由於暫時冇得好似實體卡咁用信用卡自動增值,所以你只能夠由銀行過數、由已登記嘅八達通將餘額轉賬或者係去7仔度增值。

今日 (6 月22 日) 起至 9 月 21 日之前,首 8 萬名成功登記並且加入最少一名朋友,仲有一杯單球 Haagen-Dazs 雪糕送,大家有需要就唔好錯過啦。

立即 Follow:Qooah IG (@qooah),八掛產品發佈會現場,睇盡靚靚 Show Girls

編輯推薦

發表意見

發表意見

最新文章

除了手機、平板與電腦,華為明年所有消費性產品都會採用鴻蒙作業系統

依照華為消費者業務部軟體部門總裁王成彔表示,除了手...

又是萬能搖控又是便擕遊戲機?Sony 超級手制專利曝光!

根據荷蘭科技網站 LetsGoDigital 的報...

比亞迪敗退,Tesla 成全球最大電動車生產商

根據外媒的報導,目前 Tesla 的電動汽車銷量已...

vivo 已確認加入 Google Fuchsia 系統陣營

Google Fuchsia 項目是 Google...