講到平食熱狗，一定會諗起 IKEA，$10個熱狗餐，對我 依莉詩 呢啲係銅鑼灣嘅打工仔嚟講，真係糧尾好伙伴！但今日竟然比我搵到加平嘅熱狗，$5 有交易，想食豪少少都係 $12 ，仲可以任加醬汁，真係平到嘩嘩聲！
芝麻包更香，腸更
估唔到 $5 熱狗所在地並唔係茶餐廳，而係銅鑼灣 HMV。繼開完cafe後，今次就係2樓近扶手電梯位置開設熱狗店。位置唔算大，不過都有少量枱凳比大家快快食！當中有兩款熱狗，$5 熱狗用咗法蘭克腸，而 12 熱狗就用咗加拿大芝士腸或者辣味腸。唔單止條腸粗過 IKEA 熱狗，仲有得任加醬汁同配料，真係超抵食！
▲ 不過 $5熱狗只可加茄汁、芥末醬、千島醬同酸瓜醬，但都多款過 IKEA 呢！
▲ 而 $12熱狗就可以加粟米、肉醬、洋蔥同紅黃椒粒。加完熱狗即刻升值幾倍！
▲ 比起前面隻食慣食熟嘅 IKEA 熱狗，$5 熱狗條腸更粗，包更香口呢！
▲講到啲熱狗咁平！但出名平食嘅葵廣，一隻鹹牛肉炒蛋熱狗都要 $23㗎！
▲ 以後又多一個醫肚好地方了！
HMV Dog
地址：銅鑼灣百德新街 22-36 號名珠城 2 樓
營業時間：11am-9pm
