大部份玩家都已經購得任天堂 Switch , 亦不少人會花時間來裝飾一下自己的 Switch . 小編就見過有港女貼到成部機都是 Bling Bling . 早前有泰國玩家就通過貼紙令 Switch 變成了「馬沙版」, 今次輪到韓仔出招 .
韓國有一 Switch 玩家就利用貼膜為 Switch 改頭換面 , 而且是大家喜愛的「超任版」(SFC) . 主機身以白灰色為主調 , 台座亦設計成超任主機的正面形象 .
手柄亦換上超任的紅黃藍綠按鍵設計 .
超任 Logo 亦加在手柄套件中 .
連 Game Card 插口 , 音量鍵 , Power 鍵都有貼膜 , 十分細緻 .
