所謂有競爭才有低價，過去多年來香港手機上網大家都覺得偏貴，直至近期因香港寬頻加入行動通訊市場而觸發新一輪減價戰。或許是感受到壓力，現時幾家電訊公司紛紛推出減價月費以作回應。中國移動香港剛就宣佈推出一個限時優惠，最搶眼之處莫過於講明 「4G 不限速」，再睇睇 6GB 數據月費僅 HK$138，睇怕今次真係要拉開新一輪「戰幕」了。
中移動香港近日公佈推出一項「全城移動」4G本地服務計劃，該計劃月費原價為 $198 + $18 行政費，包 3GB 本地數據同埋 3,700 分鐘通話時間。但如果是帶號碼上台的話，即減至 $138 + $18 行政費，數據會送多 3GB 至總共 6GB，而且是 4G 不限速。另外，如果上網預訂再上門簽約的話，更加連每月行政費 $18 蚊都可以豁免，同埋 $200 超市禮劵送。
不過留意，話明限時優惠，大家需於 2017 年 5 月 31 日或之前登記使用，簽約 24 個月，而且成功携號碼上台就得。另外，計劃中的 6GB 數據只限香港本地使用，其他細節可以睇返官方網頁，或者去門市問問職員。
