復活節即將來到，緊隨而至就係暑假，相信好多人已經 Plan 緊去旅行吧？而家去遊行第一樣必需品當然係數據卡，過往大家可能會淨係諗租 Wifi 蛋，不過近年越來越多電訊商推出數據共享計劃，蛋都唔洗租。就好似中國移動香港，今日發佈一系列「飛常」計劃，最多達 70 個國家數據共享。
中國移動香港今日推出一系列「飛常」服務計劃，包括：「飛常環球」、「飛常亞洲」、「飛常大中華」，主要是以一個月費計劃就可以在不同國家地區共享數據，變相等你唔洗下下都要去到當地買 SIM 卡或者租 Wifi 蛋咁麻煩。
其中「飛常環球」覆蓋國家地區最多，達 70 個。當中包括好多歐洲及亞洲熱門國家，包括：英國、美國、加拿大、澳洲、紐西蘭、法國、德國、意大利、西班牙、俄羅斯、日本及南韓等。月費有 HK$398 (6GB) 及 HK$598 (10GB) 兩種。
覺得 70 個國家太多又太貴的話，「飛常亞洲」提供 15 個亞洲地區或者更適合。HK$298 (6GB) 或 HK$438 (10GB)，覆蓋地區包括：日本、南韓、泰國、新加坡、馬來西亞、菲律賓和印尼等地。
15 個都太多的話，原有的「飛常大中華」，包括：中、港、澳、台四地共享服務或者更加適合，以上計劃同樣需要簽 24 或 12 個月。
相關計劃詳情如下：
