對於大部份香港人來講，相信著數呢樣野永遠都唔會嫌多，所以大家都不時會用手機留意住著數優惠資訊。有見及此，3HK 今日都宣佈推出一個著數平台，叫「3 優越生活」3Delight，網羅 250 家本地及海外商戶，提供「買一賞一」優惠，當中含括了吃喝玩樂各個範疇，無論是否現有 3HK 客戶都可以體驗。
「3 優越生活」屬於一個手機 App 平台，已經推出左 iOS 及 Android 版本。現時平台提供優惠已多達550個，分別有美容及健身、飲食、景點及消費、零售及服務、全球酒店等類別，總著數超過$30萬。大家只要搜尋到適合的著數，就可以獲得「買一賞一」優惠，當中商店包括有agnes b. Cafe、Subway、海洋公園、L’Occitane Facial、泰國 Bangkok Banyan Tree 酒店等。
此平台將分別提供「體驗版」及「優越版」。前著由 11 月 29 日起，3HK 的家居寬頻及家居電話客戶可以優先免費體驗，而非 3HK 用戶則由 12 月 12 日起登記免費試用。至於「優越版」則需收取費用，3HK 用戶為 $188，非用戶就 $388。差別在於本地提供優惠商戶數目會由 30 個提升至 150 個。 3HK表示，首階段將派發 80 萬個體驗版帳號予 3 客戶及公眾試用。
