如果一講長沙灣工廈的平價零食小店 , 估計好多人都知道小編要講既就係位於荔枝角的 Crystal House , 小編都係由 Facebook 大神口中才得知有呢間賣零食既小店 , 今日小編就路過荔枝角(神秘之聲: 其實本網office就係荔枝角扮咩路過…) 決定上去買下零食 , 順便睇下有幾平 .
小編發現 Crystal House 地方唔大 , 500 呎左右 , 唔算好多選擇 , 但就真係夠晒平 . 小編就搵左幾款超低零食比大家 .
大大包 芝士味桃哈多(70g) 只係賣 6蚊!!
維他檸檬茶(250ml) $1.6 一包 , 分分鐘平過你去拎批發!!
小編最愛 維他菊花茶(250ml) $1.6/包
維他奶/麥精 $2.5/包 , 用黎配早餐就最岩 .
如果想清清地 , 津路烏龍茶(500ml) , $5/支 , 小編想掃一箱走架 , 不過抬唔走囉~
美國紅牛?? 上面寫住個「勇」字 , 似乎要飲都要勇氣 , 小編買左支試飲 , 其實同香港紅牛差唔多 , 反正都係 3蚊 , 是但啦 .
維他港式奶茶(330ml) 4蚊支 , C.C Lemon 都係 7蚊支
道地 柑桔檸檬 6蚊 !!!!!
有氣利賓納 $4.5!!
每次到月尾小編救星就係杯麵 , 合味道 BIG CUP 咖哩味只係賣 5蚊, 今次真係救急扶危價 . 如果辣海鮮就要 $7.5 , 都平過超市少少 .
早餐搽麵包必備 nutella 榛子醬 , 超市賣四十幾 , 呢度 35蚊搞掂 .
高登仔力推之後超市賣到貴晒既營多撈麵 , 呢度都係賣返 $1.5/包 , 真係海嘯價黎 .
童年味道 , 蒲燒太郎 原味/芥辣味都係 59蚊大大盒 , 有成50塊!! 不過我記得我細個都係賣1蚊1塊 , 阿老闆如果見到呢篇報導可唔可以賣返 1蚊1塊 , 等我可以除左可以回味童年味道仲可以享受返童年價格 ??
m&m’s 同 麥提莎 都係 6蚊包 !!
間小店平就真係幾平 , 如果零食款式再多d就更加好 , 等緊仲有咩平再上去 . 近近地去掃零食 .
Crystal House
荔枝角長沙灣道883億利工業中心902室
