今時今日大家手機不離手，無論行到邊最緊要就係上網要夠快，所以 4G 網絡已經係大部份人首選。而隨住網上多媒體內容越來越豐富，現階段的 4G 速度可能都已經滿足唔到大家，所以各大電訊商已經開始進入 4.5G 網絡世代。繼琴日有中移動同華為合作推出 4.5G 後，今日本地薑 3HK 亦都宣佈升級至 4.5G 網絡。
3HK 今天宣佈，將於明日(11 月 16 日)起為所有新上台及現有 4G 客戶提供一年免費手機版 myTV SUPER 基本組合及 TVB 外購節目點播組合(價值$380)。同時，3HK 今次仲加再推出全新 TVB 專用數據組合，每月加 $20 蚊就有額外 1GB myTV SUPER 數據，加 $50 就多 3GB，最多係加 $80 蚊多 6GB 俾你煲劇用。
俗稱 4.5G 的 LTE-A cat. 6 網絡理論下載速度可以達到 300Mbps，比 4G 的 100Mbps 足足快三倍。除左速度快之外，另一賣點是支援 FDD 及 TDD 制式，令到市面上大部份智能手機都可以用到，無須換機。
