新 iPhone 入手想要最好手感同外觀，當然係祼機咁用，但相信好多人都會擔心容易整花部機而考慮加貼同加套。坊間林林總總保護套當中，Winson 覺得如果想要保持到接近裸機手感之餘同時又可以有一定保護性的話，Bumper 金屬邊框相信就係最好選擇。iPhone 7 及 iPhone 7 Plus 剛上市，配件品牌 Torrii 已經推出相應型號，憑著以其他人不同的獨特設計相信更加可以吸引到大家。
磁力開合極易安裝
提起金屬保護邊框，好多人印象中都係以海馬扣或上鑼絲式的設計，雖然安裝上去之後會好「穩陣」，但就比容易鬆脫或者需要工具才能安裝好不麻煩。Torrii 推出的這款 Magloop 卻是比較與眾不同，因為並非以海馬扣或上鑼絲設計，而是採用了磁力開合設計。因此在安裝上變得極為簡單，只需將 iPhone 7 或 iPhone 7 Plus 放上去，然後一放手就自動合上。
▲ 極薄的鋁合金屬框架設計，十分輕巧
▲ 框內四邊有抗撞保護層，防止刮花機身
▲ 整個框架最精髓之處當然係磁石設計，上下兩層一吸就可以完成安裝
▲ 完成安裝後與 iPhone 7 Plus 十分緊合，框身下角印有 Torrii 品牌名字，以防被山寨！
附帶前後貼全面保護
如果淨係用一個框架，我諗大部份人都會覺得唔夠保護。所以，Torrii 都隨包裝附帶有保護貼，前面屏幕仲要係來自日本材料的鋼化玻璃保護貼，而機底就係一張 PET 背部保護貼，咁樣就可以全範圍保護到部 iPhone 啦。
實際的操作效果，大家可以睇睇以下影片：
售價及顏色選擇
Torrii Magloop 金屬保護邊框建議零售價為HK$199（for iPhone 7）及 HK$219（for iPhone 7 Plus）。顏色選擇分別有 銀、黑、金、玫瑰金，與 iPhone 7 的機身顏色絕配。
Qooah 送禮時間：
今次我地 Qooah 有幸獲得 Torrii 讚助，為我地廣大讀者送出今次介紹呢個金屬保護框。香港讀者朋友只需回答一條簡單問題以及填妥基本資料就得，我們將稍後抽出 10 位幸運兒，每人可獲得乙個。
注意：為確保大家抽中機會平等，必須以 Google 帳號登入後才可以填寫以下表單，每人只可填寫一次。
▲ 以上表單如果不能載入，請直接按此連結開新分頁填寫。
結束時間：2016年10月23日
地區限制：只限香港，不設海外郵寄
得獎公佈時間：活動結束後的一星期內以電郵通知
Qooah 對是次活動保留最終決定權
