雖然大家都知道 iPhone 7 將會響九月頭發佈，但係至今 Apple 方面就仲未發出傳媒通知，所以確實日期仲未正式落實。之不過，為搶先機一眾合作電訊商已經開始按耐唔住，偷步推出預約通知服務，準備迎接新機王降臨。繼之前中國聯通香港後，現在連 csl. 亦都跟住推出約預專頁俾大家登記資料。
當然，csl. 都唔會明目張膽地話明係 iPhone 7，所以只係好隱晦地注明係九月新旗艦機。九月即將有多部新機登場，除左 iPhone 7 外亦都有 Samsung Galaxy Note 7 於 9 月 2 日正式發售，以及傳聞同月發佈的 LG V20 等。而透過 csl. 的網站 Banner 所見，好明顯就係一部新 iPhone 同埋 Note 7。無論你關心邊部新機都好，有興趣就先去「貢獻資料」登個記吧！
