Pokémon Go 香港正式推出帶來超級熱潮，呢兩日大家行出街相信都會見到周街都是訓練員，周圍都有人拿著手機在捉小精靈。由於遊戲賣點在於實景定位，所以大家要玩的話基本上就是要長開著手機一邊行一邊「等震」。有玩的話相信大家都知，隻 Game 超級食電。想解決電力問題？等 Winson 介紹大家用呢個「精靈發現通知 App」啦。
個 App 叫「PokeNotify」(Notifications for Pokemon GO)，顧名思義作用就是用來幫你自動尋找附近的小精靈，一旦有發現就會發出手機通知提示，等你可以知道大約位置再去捉，十分方便。
個 App 操作十分之簡單，執行之後就會看到一行長長的精靈名單，你想捉邊隻就 Tick 左佢就得，然後按一下上邊的「Enable Pokemon Notifications」就會自動背景運作。
一有發現，手機會就有通知提示及震動，收到通知後按落去就會打開 Google 地圖顯示位置，咁樣就可以幫到大家節省更多時間以及電力啦，第日連 Pokemon Go Plus 都可以慳返唔洗買。
「PokeNotify」暫時只推出 Android 版，iPhone 版或者會稍後推出。用 Android 的訓練師們，大家可以先下載吧：
更新：
「PokeNotify」已被 Google Play Store 下架，我們上傳了 APK 檔給大家下載使用，請按此前往下載中心Download。
