今時今日大家出街如果冇網絡用可能會「周身唔服務」，雖然周圍都有免費 Wifi 熱點，而且都有自o既 Data Plan。但係相信大家對於網絡就一定唔會嫌多，最好就越多越好。現時香港已經舖設左 2 萬個 Wifi 熱點的 3HK 今日就宣佈，就算唔係自己台用戶，限定時間內都可以每日免費用 90 分鐘。
3HK 今日發佈會上告佈，為慶祝全港 Wifi 熱點突破 2 萬個，即日起至 9 月 30 日，全港流動通訊用戶，每人每日可以免費享用三節，每節 30 分鐘的 Wifi 服務。
現時大家在商場或食店內如搵到「3HK Wi-Fi (Free)」就可以進行連線，然後透過輸入手機號碼以獲得驗證碼，以及電郵地址等簡單資料就可以進行連線使用。資料需要每日使用時輸入一次，而且一個手機號碼登記一種裝置，例如手機或平板電腦，所以需要同時幾部機一齊上的話，就需要準備多個手機號碼啦。
2 萬個 Wifi 熱點遍佈全港商場或食店，3HK 表示大部份熱點使用 1G 光纖網絡，當然速度方面會因應使用人數多寡而影響到快慢。Winson 就o係九龍塘又一城即時同大家測試一下速度，用通訊辦個 App 試左三次，結果如下：
第一次測試，下載速度達到 100Mpbs，上載速度為 25.7Mbps，網絡時延 11ms。
第二次測試，下載速度達到 91.5Mpbs，上載速度為 55.8Mbps，網絡時延 13ms。
第三次測試，下載速度達到 135Mpbs，上載速度為 58.3Mbps，網絡時延 11ms。
以免費Wifi來講，平均超過 100Mbps 下載速度實屬不錯。不過有點可惜，非 3HK 用戶的免費使用期限只到 9 月 30 日，而且每日只有三節，每節 30 分鐘，合用 90 分鐘時間。
