Apple Store 於香港已經開了四間，睇起上來好似好多對吧？不過對 Apple 來講似乎仲未夠，事關早前一直盛傳除左港島及九龍各兩間之外，新界都會開最少一間。而選址方面，呼聲最高的就是有新界地膽之稱的沙田新城市廣場。如今有網友拍到，原先馬莎撤走的位置有秘密工程進行中，睇來呢個傳聞可能很好快會揭曉。
據 Facebook 專頁「沙田區 Sha Tin District」所講，現時新城市廣場原馬莎位置的四樓已有工程進行中。不特止，由外圍所見五樓平台亦都有不明工程進行中。網友表示：「新地同Apple 一直唔公開設計圖，又加強保密措施下，最後會點起真係一個謎。」
各位沙田友，大家經過或者可以去八掛一下。
