香港電視市場早已經由傳統廣播打到去網絡播放，今年各家網絡商更是紛紛夥拍唔同電視台推出合作計劃。當呢邊廂有HKT宣佈免費99台即將開播放，果邊廂又有過江龍樂視大舉進軍香
港市場之際，香港另一大電訊3HK亦都宣佈推出新的服務計劃，仲要係玩指定時間內「無限數據」，速度方面究竟會係點？我地今日就同大家試試。
呢個新計劃 3HK 叫佢做「歡樂通宵」，詳細內容我地上一篇報導已經講過，如果你仲未知係乜的話，可以去睇睇： 3香港痴左線, 全城免費派發 5GB 數據儲值卡
今次呢個 「歡樂通宵」雖然都係 4G Plan，不過速度方面就限制左係 1Mbps。咁話明要來睇片，得果 1Mbps 夠唔夠呢順呢？Winson 今次就分別試左3G 限速 384bps、4G 全速 225Mbps 同埋 1Mbps，結果唔知大家睇唔睇到分別呢？
大家可以睇到下邊兩部分別係4G 1Mbps 同 4G 225Mbps，大家同樣播放 YouTube 720p 影片，結果兩部機速度一致同樣流暢。由此可見，1Mbps 播放影片的確已經夠暢順，不過當然有時位置接收訊號強弱都會有影響，否則都係可以接受的。
最後再話俾大家知，上邊影片中邊部係 4G 1Mbps 同 4G 225Mbps。如下圖，即係中間果部就係用左3HK張 4G 1Mbps 的SIM卡了：
今次3HK雖然同TVB合作等大家可以用呢個Plan去睇myTV同myTV Super，不過佢地就講明其實係無播放限制的，即係話大家依然可以用來睇其他野同其他上網用途，對貓頭鷹一族確係實用。
