香港電視市場過去多年來雖然有兩間免費牌照公司，但向來以無線電視一家獨大。亞視近日已傳出要「熄大制」，對香港市民來講就係一個解脫。正所謂一雞死就一雞鳴，當這邊廂 HKTV 因攞唔到牌照而被逼轉型之際，當日同時申請牌照而順利獲批的HKT旗下(香港電視娛樂)新免費電視ViuTV，今日就正式宣佈播放日期。
ViuTV 在獲得免費牌照不久後已積極佈置，並於上年就已經初步公佈新台的一些測試情況。而今日香港電視娛樂就正式宣佈將於今年4月6日推出全新免費電視頻道99台，並同時宣佈節目表。
由於有牌照關係，所以ViuTV終於可以經大氣電波播放，即係話，大家可以好似無視及亞視一樣在屋企大電視上搜台及收睇。ViuTv將會在4月2日凌晨起進行訊號測試，到時大家就可以開始幫手測試訊息，只要搜尋99台就得。
除左用大氣電波接收外，今日時今就緊係要支援其他行動平台，所以 ViuTv 都提供左其他收看方式，包括OTT機頂盒、手機App(未推出)、數碼電視iDTV、網站，同埋原有的nowTV機頂盒等，好方便。
由而家所見 ViuTV 已經拍左唔少節目，包括劇集、綜藝、財經、體育直播等，同埋最最最最緊要係有新聞睇，以後大家可以多一個台吸收資訊，咁就唔洗大台講乜就信乜啦！
