《香港版大富翁Monopoly》相信好多人都有玩過 , 根據我多年經驗 , 係冇一次可以真正玩完 . 識玩一定要好似政府咁「盲搶地」, 太平山、淺水灣就一定要搶 , 見地就買 . 不過香港版大富翁已經好耐冇更新土地 , 今次 Monopoly 就公開多個新地區俾大家投票 .
今次共有 55個香港地區可供投選 , 每人可以投最多十個地區 , 而最多人投票嘅地區就會成為新《香港版大富翁 Monopoly》嘅地圖樓盤 . 今次真係人多好辨事 , 暫時最高票嘅地區係馬鞍山、元朗同大埔 , 都係新界區 , 而經典貴地淺水灣就連15大都唔入 . 如果你想你果區出現係新版香港大富翁 , 就快D 叫齊同區人一齊投票啦 .
