Samsung Gear VR 香港開價$888，行開街可以去呢度試玩下！

Samsung近日大搞 Galaxy Studio 體驗館展示旗下最新產品，即日起至2015年12月27日假銅鑼灣怡東廣場(即世貿中心門口)舉行。體驗館設有四個不同主題的體驗區，包括設計、生活、虛擬實境及親手體驗。其中手機、手錶等相信大家都玩過，今次最吸引的莫過於是Gear VR眼罩，Winson今日就已經現場試玩左，大家呢排行街經過都不訪入去試一試。

自從Google推出Cardboard以來，各家手機廠都開始開發VR虛擬實景眼罩。現時無論Facebook、HTC、Sony等都有相關產品，而Samsung去年都發表左一款Gear VR，而家終於來到香港，開價只需HK$888，12月18日開售，算是比較進取的一個品牌。

為什麼定價只須HK$888？這跟其功能設計直接有關。Gear VR 某程度來講就是一個美化了的「膠製Cardboard」，因為同樣地需要配合手機的屏幕先有野睇同玩到，而且仲要指定是Samsung自家的某幾款手機，包括：5.7吋 (Galaxy Note5 及 Galaxy S6 egde+) 或 5.1吋 (Galaxy S6 及 S6 edge)。

Gear VR機身設定十字型觸控鍵，以及一個Back鍵，咁樣就可以直接控制手機作出功能操作。

相比起Cardboard來講，Gear VR當然就戴得舒服得多，而且可以調設焦點，咁樣無論近視或遠視都可以睇得更為清楚，不過壞處就係需依賴手機操作。有時間的話，大家可以去試一試先決定買唔買都未遲！