Uber 自從在多個國家地區推出後都引起不少爭議，其主要原因當然是影響左一班舊有的士從業員的生計。Uber現時雖然面臨很多傳統運輸業以及來自政府阻力的提戰，不過就冇因此停下來。今日仲推出左平民版的UberX，相比起當檔橋車的UberBLACK來講親民好多，計落仲分分鐘平過搭的士，今次班的士大哥應該會仲頭痕了！
話明係平民版，所以UberX車種方面的檔次都會比起UberBLACK低，但係都有唔少選擇。由網站資料所見，接受加入的車種都有高級系列，像是Audi、BMW、Benz等，但比較多的就是平民車種，好似Honda Jade/Jazz/Mobilio/Odyssey系列、Hyundai Elantra/i30/i40/Santa Fe系列、Toyota、BYD 等等。
至於大家最關心的收費方面，由資料所見是起步費＄10＋每公里＄6＋每分鐘＄1（最低消費＄30）。表面看起來跟現時紅的收費相若，如是短程車的話，的士收費計落會低一點，但如果是長程車的話，UberX 車費就會相對較低。
Uber勝在車多容易Call，最最最最重要是司機的態度比較好，唔會黑你面，更加唔會拒載，而且車種選擇多又比傳統的士坐得舒服。睇來今次UberX一出，一班的士大哥又要嘈到拆天啦！
