電子銀包服務近年越來越受到重視，市面上不少公司視為大肥肉人人爭食，今年尤其競爭得激烈。早前先有HKT與759阿信屋合作推出「Tap&Go 拍住賞」，冇耐之後又一個叫TnG Wallet的同類平台殺出，仲要搞到上晒新聞。不過，香港來講始終都仍然係八達通先係霸主。今日，呢位大佬都終於出手啦。
八達通今日宣佈，將會同759阿信屋合作，全港率先推出一項叫「八達通找贖增值」的服務。呢項服務其實是旨在完善八達通現有的優勢服務。其出發點很簡單，就係當你有零錢要找贖時，可以將錢直接過落去張八達通度，等你張八達通可以變成真真正正的散紙包。
打個比如，你去759買了85蚊東西，當你攞100蚊時正常就會找返15蚊散紙俾你，如果你唔想袋呢15蚊散銀的話，就可以拍一拍張八達通，佢就可以「o都一下」將呢15蚊入返落去你張八達通度，咁就唔洗袋散銀啦。呢項服務真係一早就要有啦，一方面等大家唔洗袋咁多散銀，另一方面又可以自由増值，唔洗每次都要増值50蚊以上，絕對係聰明得多的做法。
