HKT旗下的會員服務平台「The Club」，舊年就響中環碼頭搞左個巨型摩天輪，相信呢一年來大家都有去過，甚至是搭過。而家適逢一週年期間，HKT就宣佈會搞一個叫「10 Fun 賞 10 分損」的活動，限定期內送出超過2,000項特別獎賞，目的就是要回饋一眾長期客戶，如果你係HKT旗下用戶就唔好錯過啦。
免費摩天輪門票，人人有份！
首先，在今年12月12日The Club會送出2,000張摩天輪門票多會員。如果非會員亦不用氣餒，因為只要你當日即時登記成會員就可以即日免費暢遊摩天輪，門票會於當中上午10點起響摩天輪下免費派發，先到先得！
10分搶手機及其他獎品
「The Club」會員除左有摩天輪飛之外，仲可以玩抽獎活動。今次佢地會送出2,000項特別獎品，總值超過港幣20萬。當中包括個個都想要o既玫瑰金iPhone 6s Plus，仲有全球首部4K Mon的 Sony Z5 Premium。不特止，其他抱括：LG V10、Sony LED 電視、Cirque Adrenaline、海洋公園、電影首映場、嘉年華及演唱會等門票！
點樣搶？
至於搶法其實也很簡單，只要你有用任何 HKT 旗下服務就有資格，唔單止係csl.電話，仲可以係PCCW寬頻/電視/電話等用戶，範圍十分廣。然後只要你個帳戶有超過10個積分就可以透過The Club 網站或手機App，響2015年12月7日至2016年1月3日，見到有心儀獎品出現就可以用10分去搶返來。不過邊一日有邊啲獎品HKT就唔肯透露啦，只係提大家每日上午9點至下午9點不時打開App或網站睇睇，見到就搶。活動期間每消費10蚊就有1分，即是100蚊就已經有10分，相信大家交一期電話費或者家居上網費都唔止100蚊，所以10個積分應該冇咩難度吧。
