今個月買咩機最抵 ? 如果你又想玩旗艦機 , 又想 HK$3000 之內 , 筆者會比較推介你入手 HTC One M9 , 因為呢期 HTC One M9 開始清貨 , 價格仲平過水貨 .
首先早星期百佬匯就出價 HK$2898 一部 HTC One M9 , 在消息傳出之後一兩日已經全部售罄 , 其實 M9 HK$2898 呢個價位都幾乎無敵 , 一黎係本年旗艦機 , 規格夠頂級 , 又有金屬機身 , 加上升級咗 Android 5.1 個更新 , 令鏡頭拍攝力大大提升 , 續航力都好咗 . 今日消息通知 , 衛訊將 HTC One M9 特價至 HK$2798 , 比之前百記仲要平多 100蚊 , 抵買到喊!!
另外剛剛有讀者提供消息 , 中移動用戶 One M9 出機只需 HK$2480 , 有需要自己去門市問下啦 .
19:08 消息update , 旺角衛訊 One M9 開始出現冇貨 . 要買就要快手了 .
