今年香港開賣 iPhone 6s 及 iPhone 6s Plus 開賣之後 , 不少款的 iPhone 6s 及 iPhone 6s Plus 都已經出現了蝕 或者拒收的情況 . 即使收機 , 最火熱的玫瑰金在開賣第二日(今日) 一部 iPhone 6s 16GB 係香港收價亦低至 HK$5750 , 只賺HK$162 , 幾乎沒得賺 . 其實在一河之隔的深圳華強北收機價還是可以接受的 . 筆者亦寫一下華強北放機攻略 , 等大家有一個參考 .
由羅湖出發去華強北 , 最好一定是地鐵 , 坐地鐵車費都係 3蚊人仔 , 大陸地鐵機售票機只食 5蚊同10蚊紙 及 1蚊銀 , 所以你最好準備散紙 . 由羅湖站上車 , 搭5個站就可以到「華強路」站 .
下車之後由 A 出口出 , 出了之後向前行 20米 , 轉左 , 一直向前行就可以見到目的地「遠望數碼商城」. 在沿路上都有不少收機的 , 不過價格就沒有「遠望數碼商城」好 .
「遠望數碼商城」入去 , 地下果層已經好多鋪頭收機 , 建議多問兩三間 . 問岩之後就可以交易 .
如果你想賺多 100~200 人仔 , 可以企係「遠望數碼商城」門口拎住部機 , 咁就會有好多收機佬黎問價 , 你就用「遠望數碼商城」入面個價加多 100~200 , 多數都OK 的 . 不過如果你企多過 30分鐘都賣唔去 , 我就建議你入去商城放左佢就乾手淨腳 . 千萬唔好一直等 , 因為天黑之後個價一定更低 , 唔少收機佬認定香港人唔會咁傻帶返d機返香港 .
上華強放機價格會莖幾多呢 ? 今日我 5點係華強問左幾款收價 , 對比同一時間係先達收價 . 6s 玫瑰金 64GB 收價 , 華強實收 6000人仔 , 即大約 HK$7220 (賺HK$838) , 而 香港先達就收 HK$6800 (賺HK$418) , 多 HK$420 . 其實賺多少少而已 . 不過如果你手持 灰 , 白 機 , 香港已經拒收或者蝕 , 你可以上黎放下 , 都有200~300人仔執下 .
聲明：以上純粹介紹大陸放機的方法 , 當中絕對沒有任何犯法行為 . 而本網絕不建議大家從香港帶未完稅產品進入中國 , 如果有人因此有任何損失及法律責任必須自行承擔 .
