樂視LeTv今日在香港舉行了一場頗盛大的發佈會，一如預料除左有一系列的超級電視推出外，就係宣佈進軍香港網絡市場。今次樂視明顯有備而來，刻意打造成香港本土電視台。樂視宣佈了多項電視相關服務，包括HK$99狂睇組合、4K服費、LeTV Box 費用等等，以下再為大家細說一下。
對於其網絡電視服務，樂視率先宣佈了簡單的收費方式，就是以HK$99月費就可以睇足所有(但不包括英超)頻道。如果嫌普通高清不夠的話，仲可以以HK$39蚊月費申請4K頻道。其中4K頻道可享有免費試用期，期限是在2016年9月30(注意9月是沒有31日的)之前。
同時，樂視還推出了LeTv Box 4K 標準版，屬於香港市場限定的版本。
為左再簡單一點收費，樂視宣佈一個套餐價HK$399。包括12個月$99狂睇組合連同4K服務，再加埋一個Le Tv Box 4K 標準版。
為左再吸引大家去用，今次樂視真係攞左唔少本出來。因為只要你放下HK$399按金的話，仲可以試用6個月以上提到個套餐服務。萬一你6個月內唔想要的話，就可以還返個盒子，樂視就原銀退返HK$399。若然是想繼續睇的話，仲可以再免費獲得多6個月服務，變相有一年免費期，之後盒子就送左俾你，你只需要俾月費就可以繼續睇。
Le Tv Box 4K標準版將於明天9月25日預售，今次樂視表明貨量足夠，唔洗搶餐死。如果你在11月18日之前成功購買的話，仲會送你 2016 / 2017 英超首月月費添，睇來今次呢個價真係可以秒殺小米盒子啦。
成個發佈會大家最期待的除左有以上的服務外，最最最想知的就是英超月費，但好可惜樂視今日都仲係守口如瓶唔肯公佈，睇來又要再等下次發佈。
