哈哈 , 諗唔到今日我蝦哥會黎到 Qooah 平台掛 . 今日開始 , 我蝦哥就會係呢度同大家講新聞 . 好, 事不宜遲 , 立即轉身射個三分波!!
今個星期最爆o既新聞一定係 Apple 發佈 Apple Watch 同埋一部新 Macbook Air , 我地先黎講下 Apple Watch , 大家見到隻 Apple Watch D icon 好似生野咁 , 有密集恐懼症嘅人真係怕怕 . 其實係華強北一早就已經有山寨版 Apple Watch .
山寨版 Apple Watch 一早就係華強北賣得成行成市 , 而且只需要三百幾人仔就有交易 , 正版要二千幾?? WTF ……
山寨 Apple 仲可以直接插 SIM 打電話你都咪話唔爽, 又可以直接影相 , 呢D功能連正貨都冇 , 你話 Tim Cook 出咩產品 , 仲要咁X貴… 好啦, 我唔笑你啦~~
講完個錶我地黎睇下部 Macbook Air 2015 , 小佢個喇叭 , 部野真係唔似係比正常人用 , 全身得一個 USB-C 頭 , 用得黎充電就插唔到 USB , 真係男人勿用(冇得插) , 為左薄D真係咩都可以放棄 , 你不如直接出部12吋平板咪算囉 , Steve Jobs 真係死左都彈返起 .
不過部野都唔係冇好處嘅 , 起碼有個 Retina Display 囉 , 同埋成部機真係好薄 , 薄到可以用黎 CUT J , 想戒 J 嘅朋友可能岩用?
講到薄我地不得不講 HTC One E9
大家都知架啦 , HTC D 機部部都出到成本黃頁咁厚 , 但呢部 E9 就薄左好多 , 厚得 7.56mm , 真係唔知呢部野算唔算 HTC 以來最薄嘅手機呢 .
薄還薄 , 見到個鏡頭真係有D 唔開胃 , 又大又突晒眼咁 , 蝦哥我就真係頂唔順..
.
講開突眼先講 , 今年好似部部機唔識突眼就唔叫旗艦機咁 .
HTC 突 , iPhone 6 又突 , Samsung 直頭突到好似生雞眼咁
小米, 你知道你為咩上唔到一線啊 ? 因為你地個總裁 林斌發明咗平底鍋 , 拍平左小米Note 個鏡頭囉 .
而家後悔已經遲左啦 , 下年出部突鏡嘅補返咪得囉 , 蝦哥我係唔係好有商業頭腦呢 ?
講起天才, 早兩日我都見到一班天才…
平時收埋係 Apple 店果班天才藍精靈 , 平時威威食雞咁用平板同Macbook 出下單整下哩整下囉 , 點知全球天才突然個「腦」放左假 , 天才搖身一變成抄單猿 , 呵呵 , 讀書都未必咁勤力啦 .
因咩事班天才要抄書 ? 原來 Apple 死 DNS , 一死就十幾粒鐘 , 連唔到上 Server , 出唔到單 , 抄住先!!! 係唔係咁講啊林鄭司長 .
