十幾年來「古惑仔」題材數之無數，港漫、電影、遊戲一籮籮，而講到Online Game一定會想起2002年推出的《古惑仔Online》和2005年Gameone推出的《古惑仔之義Online》。想當年，為左出位、響朵，每日 放工放學都會趕回家中，打開電腦行走江湖；為兄弟隻揪，同仇家開片，為社團搶地盤，真係正到爆！可惜，人越大就越無時間玩…. 不過，2013年古惑仔終於踩入手機平台，推出手機遊戲《古惑仔3G》啦！1月15日就會封測！
行走江湖升級無煩惱 手動自動任你選
遊戲一開始會見到洪興前龍頭「蔣天生」，初來報到他會帶大家一齊去「行走江湖」，認識周圍環境先。玩家會看到一張港鐵站地圖，他會帶你去太子站走一圈，剛好遇上有古惑仔搞事，唔駛講咁多，打鑊先講啦！
返工打機無人知
係公司偷玩《古惑仔3G》，當然越少操作越適合打工仔啦！遊戲就內置「自動」或「手動」戰鬥」同「手動戰鬥」兩大便利功能，要輕鬆玩又得，要技術取勝又 得，勁正。係戰鬥過程中，仲可以放技能，用藥水。唔似得其他Game，個戰鬥過程同無一樣，睇唔睇都無分別。放心啦，你o的兄弟勁o既話「自動戰鬥」都可 以勝成條街。
港鐵沿線收o靚撈偏
KO班古惑仔之後，第一件事當然去「收o靚」啦！遊戲中只需要消耗10點氣力，就可以「收o靚」一次，當然一開始梗係唔會有勁人跟你啦，你慢慢擴充人手， 實力提升後，連陳浩南、山雞、太子、大梵等等江湖猛人都會跟你行古惑。增加實力後，就可以去行走江湖揚威嚮朵。玩家可以在港鐵沿線尋找目標來打，戰鬥完畢 後你可以玩小遊戲「21點」決定是次戰鬥可以擸到幾多戰利品走。如果咁好彩次次都抽到21點，仲會有兄弟主動跟你搵食。
唔夠打唔緊要 吹雞搵找朋友幫拖
玩得《古惑仔3G》梗係要識「吹雞」啦！遊戲中，只要你的朋友有Onlnie，就可以「吹雞」搵佢地幫拖，一齊玩大佢。搵到越多好友幫拖，增加的攻擊力就會越大！咁大家知點做啦，如果想打高幾班地盤，就要約哂朋友仔一齊上線玩啦！
組織最強戰團 搶地盤 鬥晒馬
如果你的社團人強馬壯，兄弟夠多就係時間出手「搶地盤」！唔好以為地盤好易打，如果對手有料的話，分分鐘有成20幾人看住個地盤，唔帶多o的藥水去，好易 俾人收皮。除了搶地盤、掃下場練功之外，還可以去搵人「劈友」賺下黑錢同江湖威聲。遊戲有一個「劈友系統」，玩家可以搵到實力差不多的對手，不會太強或太 弱，助你隨時隨地、無時無刻都可以搵到人隻揪隻！
Google Play免費下載安裝
手機遊戲《古惑仔3G》並非智能手機之玩得，平板電腦都一樣玩得！理你部機是Samsung SIII、Note10.1定是SONY或HTC，只要系統在Android 2.0.1 或以上，便可以免費下載安裝即玩，而iPhone、iPad的iOS版本亦即將上架，加上日後還會支援電腦網頁Web版，實行跨平台大混戰，隨時隨地街頭 血戰超HAPPY！
下載 :
[app]com.onegameshow.TeddyBoy[/app]
資料由客戶提供
