TVB近年製作過幾個「真人Show」都成功成為城中話題，而最近播放的「沒有起跑線?」，其中一名拍攝者 Irene 一句「贏在射精前」再一次熱爆網絡，成為網民聲討對象。網民隨即進行大起底，揭發呢位 Irene 曾經上過 TVB J2 台講過滑板介紹，懷疑個節目又一次搵熟人造媒來製造話題呃觀眾。
「沒有起跑線?」編審又係岑應，佢已經成功泡製多個真人Show節目成為熱話，當中包括《盛女愛作戰》、《求愛大作戰》、《沒女大翻身》等，而當中更多次被揭發搵來熟人做媒拍攝，涉嫌做假呃觀眾。
不過又咁講，香港人鐘意一邊睇一邊鬧的特性從來無變過，所以人地先可以同一條橋用完再用爆完再爆，收視節節上升。正所謂，少年你太年輕了，你以為真係有咁多真人Show俾你食花生咩，唔信換個節目名用返同一班人做俾你睇都仲得，你班觀眾迷又係照睇照討論，成功製造城中熱爆話題。
來源: Ziines
